Update on WSL

ከሚጠቀሱት ዋና ዋና ለውጦች መካከል አንዱ የFile Access Speed በከፍተኛ ሁኔታ መጨመሩ ነው።

ቀደም ሲል በዊንዶውስና በሊንክስ ፋይል ሲስተሞች መካከል የነበረው የፋይል ልውውጥና ንባብ መጠነኛ መዘግየት ይታይበት የነበረ ቢሆንም አዲሱ ማሻሻያ ግን ይህንን ችግር በመቅረፍ ተጠቃሚዎች መረጃዎቻቸውን በቅጽበት እንዲያገኙ ያስችላቸዋል።

ሌላው ትኩረት የተሰጠው ጉዳይ የNetworking ማሻሻያ ነው። Microsoft በ WSL ውስጥ ያለውን የኔትወርክ መዋቅር ይበልጥ በማዘመን ተጠቃሚዎች በቀላሉ የLocal Servers እንዲያስተዳድሩና ከኢንተርኔት ጋር ያላቸው ግንኙነት ይበልጥ አስተማማኝ እንዲሆን አድርጓል። ይህም በተለይ በድረ ገጽ ልማትና በኔትወርክ ደህንነት ላይ ለሚሰሩ ባለሙያዎች ትልቅ እፎይታን ይሰጣል።

በተጨማሪም የ WSL አጠቃቀምና የመጫን ሂደት ይበልጥ ቀላልና ግልጽ እንዲሆን ተደርጓል። አዲሱ ማሻሻያ ተጠቃሚዎች ያለምንም ውስብስብ ቅደም ተከተሎች የሊኑክስ ሲስተምን በዊንዶውስ ኮምፒውተራቸው ላይ እንዲያዘጋጁ የሚያስችል ሲሆን ይህም የቴክኖሎጂው ተደራሽነት ለጀማሪዎችም ጭምር ቀላል እንዲሆን ይረዳል።

ይህ የMicrosoft እርምጃ ዊንዶውስ 11ን ለሶፍትዌር አልሚዎች ተመራጭና ምቹ የስራ አካባቢ ለማድረግ የተያዘው ስትራቴጂ አካል ተደርጎ ይወሰዳል።

በሊኑክስና በዊንዶውስ መካከል ያለውን ልዩነት በማጥበብና ቅንጅታቸውን በማጠናከር ተጠቃሚዎች በሁለቱም ዓለማት ያሉትን ጥቅሞች በአንድ ላይ እንዲያገኙ ያስችላል።