Microsoft AI አዲሱንና እጅግ የረቀቀውን MAI-Image-2 የተባለ የምስል መፍጠሪያ ሞዴል በይፋ ማስተዋወቁን አስታውቋል።
ይህ አዲስ ቴክኖሎጂ የኩባንያው የውስጥ የሰው ሰራሽ አስተውሎት ሞዴሎች እድገት ትልቅ ማሳያ ተደርጎ ተወስዷል። ሞዴሉ በተለይ እውነተኛ የሚመስሉ ምስሎችን ለመፍጠርና ውስብስብ የሆኑ የመረጃ መግለጫዎችን ለማዘጋጀት በሚያስችል መልኩ የተገነባ ሲሆን በምስሎች ውስጥ ያሉ ጽሁፎችን በትክክል የማስፈር ችሎታውም እጅግ ተሻሽሏል። ይህም ቀደም ሲል በብዙ የኤአይ ሞዴሎች ላይ ይታይ የነበረውን የጽሁፍ መዛባት ችግር በከፍተኛ ሁኔታ እንደሚቀርፈው ይጠበቃል።
Follow us on Telegram
Join our Telegram ChannelMAI-Image-2 በአሁኑ ወቅት በዓለም አቀፍ ደረጃ ከፍተኛ ተቀባይነት ባለው የኤልኤምኤስዋይኤስ ቻትቦት አሬና የምስል መፍጠሪያ ደረጃ ሰንጠረዥ ላይ ሶስተኛውን ደረጃ በመያዝ ከፍተኛ ውጤት አስመዝግቧል።
ይህም ማይክሮሶፍትን በዚህ ዘርፍ ከሚጠቀሱ ግንባር ቀደም ተቋማት ተርታ እንዲሰለፍ አድርጎታል።
አዲሱን ሞዴል መሞከር የሚፈልጉ ተጠቃሚዎች
MAI Playground
ድረ ገጽ ላይ በመግባት አገልግሎቱን ማግኘት የሚችሉ ሲሆን ቴክኖሎጂው በቅርቡ በኮፓይለት እና ቢንግ ኢሜጅ ክሬተር ላይም በስፋት ስራ ላይ እንደሚውል ተገልጿል።
ይህ የቴክኖሎጂ እድገት ማይክሮሶፍት በራሱ አቅም የሚገነባቸውን የኤአይ ሞዴሎች ወደ ላቀ ደረጃ ለማሸጋገር ለጀመረው ጥረት ትልቅ ስኬት ተደርጎ ተቆጥሯል።
የዜናውን ይፋዊ ምንጭ ይመልከቱ
Leave a Reply